වින්ඩෝස් වලින් ලිනක්ස් භාවිතාවට එක්වුණු අපි මුහුණ දෙන තවත් ගැටළුවක් වන්නේ අපි භාවිතා කරපු සමහර වින්ඩෝස් මෘදුකාංග සඳහා ලිනක්ස් විකල්පයක් සොයාගැනීමේ අපහසුව. මෙතෙන්දි අපේ පිහිටට මේ අඩවි දෙක භාවිතා කරන්න පුලුවන්.

නමුත් අපිට වින්ඩෝස් මෘදුකාංග නැතුවම බැරි වෙන අවස්ථාත් තියෙනව. මෙතෙන්දි තමයි Wine අපේ පිහිටට එන්නේ. වයින් කියන්නේ වින්ඩෝස් API ක්‍රියාකාරීත්වය ලිනක්ස් තුලින් ලබාදෙන ස්ථරයක් ලෙස සිතිය හැකියි. වයින් සම්පූර්ණයෙන්ම නිදහස් හා විවෘත මෘදුකාංගයක්. එය භාවිතාවට ඔබට වින්ඩෝස් බලපත්‍රයක හිමිකරුවෙක් වීමට අවශ්‍ය නැහැ. වයින් ලිනක්ස් මත පමණක් නෙවෙයි FreeBSD, MacOS X සහ Solaris වලත් ක්‍රියා කරනව.

වයින් පිහිටුවාගැනීමට “sudo yum install wine” යන විධානය ලබා දෙන්න.

රූපය: වයින් වල සැකසුම් සඳහා ඇති අතුරු මුහුණත

වයින් වල භාවිතා කල හැකි වින්ඩෝස් මෘදුකාංග ගැන දැන ගැනීමට මෙතන බලන්න.

ඔබ මීට අවුරුදු කිහිපයකට ඉහත වයින් භාවිතා කර සෑහීමකට පත් නොවූ අයෙක් නම් නැවත වතාවක් වයින් භාවිතා කිරීමට කාලයයි මේ. මන්ද යත් පසුගිය කාලයේදී වයින් සීග්‍ර දියුණුවක් ලබා තිබීමයි. මේ දියුණුව නිසා සමහර මෘදුකාංග නිෂ්පාදකයන් තම මෘදුකාංගය වයින් මතත් පරීක්ෂා කිරීම කරනවා. එමෙන්ම ගූගල් වැනි යෝධ සමාගම් වයින් සංවර්ධනයට ඍජුවම දායක වී තියෙනවා. වයින් සඳහාම සුසර කල වින්ඩෝස් මෘදුකාංග එලිදැක්වීම සමහර නිපැයුම්කරුවන් කරනවා.

විශේෂයෙන්ම වින්ඩෝස් පරිගණක ක්‍රීඩා සහ මයික්‍රොසොෆ්ට් කාර්‍යාලයීය යෙදුම් ලිනක්ස් මත ධාවනය පිණිසත් වයින් භාවිතා කරනවා. මෙනිසාම වයින් මත පදනම් වූ CrossOver Linux නම් වූ වාණිජ මෘදුකාංගයක්ද බිහිවී තිබෙනවා.



රූපය: වයින් මත පිකාසා (Picasa) ධාවනය

වයින් මත Picasa, uTorrent, WinRAR වැනි මෘදුකාංග ධාවනය ගැන ඉදිරියෙදී බලාපොරොත්තු වන්න.

ලිනක්ස් මත වින්ඩෝස් මෘදුකාංග භාවිතය – Wine

2 thoughts on “ලිනක්ස් මත වින්ඩෝස් මෘදුකාංග භාවිතය – Wine

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත.

This site uses Akismet to reduce spam. Learn how your comment data is processed.