Skip to content

විධාන රේඛාවෙන් බයිස්කෝප් බැලීම

විධාන රේඛාවෙන් බයිස්කෝප් බැලීම ගැන සිංහලෙන් ෆොස් අඩවියේ තිබුනු ලිපිය දුටුවාම එක්වරම හිතට නැගුනේ mplayer දෘෂ්‍ය ධාවකයේ ඇති ascii-art සහ color-ascii-art දෘෂ්‍ය ප්‍රතිදාන පහසුකම ගැනයි. මෙමගින් ඔබේ පරිගණකයේ හෝ ඉන්ටර්නෙට් URL එකක වුව ඇති ඕනෑම දෘෂ්‍ය ගොනුවක් විධාන රේඛාවේ සිටම නැරඹීමට සලස්වනවා.

පලමුව දැනටමත් ඔබ mplayer පිහිටුවා නැත්නම් එය පිහිටුවාගන්න. මේ සඳහා “sudo yum install mplayer” විධානය දෙන්න. (ලිව්නා මූලය සක්‍රීය වී තිබිය යුතුයි. වැඩි විස්තර සඳහා මෙතන බලන්න)

දැන් ඉතින් කල යුත්තේ විධාන රේඛාවේ සිට පහත විධානය දීමයි. ඔබට මේ විධානය gterm, xterm වැනි X මත දිවෙන අග්‍රයක හෝ X සර්වරය පණගන්වන්නේ නැතිව කෙලින්ම විධාන රේඛාවේ වුවත් දිය හැකියි.

“mplayer -vo aa yourMovie.avi”

මෙහි yourMovie.avi යන්න ඔබට ධාවනය කල යුතු ගොනුවෙන් හෝ ඉන්ටර්නෙට් URL එකින් යාවත් කරගන්න. තවදුරටත් ඔබට වර්ණ පින්තූර අවශ්‍ය නම් මේ විධානය දිය හැකියි.

“mplayer -vo caca yourMovie.avi”

රූපය: color ascii-art ප්‍රතිදානය

ඔබ nvidia දෘෂ්‍ය කාඩ්පතක් ඇත්නම් මේ විධානයත් දී බලන්න. ( හැබැයි ප්‍රථමයෙන්ම ඔබේ  nvidia දෘෂ්‍ය කාඩ්පත සඳහා ෆෙඩෝරා පෙරනිමි ධාවක වෙනුවට ලිව්නා මූලය මගින් සපයන kmod-nvidia ධාවකය ස්ථාපිත කරගන්න අමතක කරන්න එපා)

“mplayer -vo cvidix yourMovie.avi”

One thought on “විධාන රේඛාවෙන් බයිස්කෝප් බැලීම

  1. Yajith Ajantha says:

    පහත ඇති අයුරින්ද විධාන භාවිතා කල හැකිය. මෙය X නොමැතිව කල යුතුය.

    mplayer -vo fbdev “yourMovie.avi”
    mplayer -vo vesa “yourMovie.avi”

    පිළිතුරු සැපයීම

ප්‍රතිචාරයක් ලබාදෙන්න

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *

This site uses Akismet to reduce spam. Learn how your comment data is processed.