Skip to content

දෘෂ්‍ය ධාවක - 2. page

මිරෝ – Miro ඔබේ පරිගණකය ඉන්ටර්නෙට් රූපවාහිණියක් කරගන්න

මිරෝ (Miro) කියන්නේ දෘෂ්‍ය ධාවකයක් වගේම ඉන්ටර්නෙට් වීඩියෝ මෙන්ම රූපවාහිණි සේවාවන් හා සම්බන්ධ වීමත් එකම අතුරුමුහුණතකින් ලබා ගැනිමේ පහසුකම සපයන මෘදුකාංගයක්.

මෙයින් ඉතා ඉක්මනින් යූ ටියුබ්, ගූග්ල් වීඩියෝ වැනි සේවාවන් බොහොමයකටම එකවර සම්බන්ධ විය හැකියි. ඉතින් දෘෂ්‍ය ගොනු සඳහා සෙවුම් යන්ත්‍රයක් ලෙසත් මිරෝ භාවිතා කල හැකියි. එසේම යූ ටියුබ් වැනි සේවාවන් මගින් ලබාදෙන ෆ්ලෑෂ් වීඩියෝ පරිගණකයේ සුරැකීමටත් මෙයට හැකියි. නොයෙකුත් ඉන්ටර්නෙට් වීඩියෝ චැනල හා සම්බන්ධ වීමේ හැකියාවත් මෙහි තිබෙනවා.

ෆෙඩෝරා සඳහා මිරෝ ස්ථාපනය “sudo yum install Miro” විධානය දීමෙන් කල හැකියි.

ලිනක්ස් වලදී නම් මිරෝ දෘෂ්‍ය ගොනු ධාවනය සඳහා භාවිතා කරන්නේ GStreamer හෝ Xine යාන්ත්‍රණයයි. ඉතින් ඔබට මිරෝ වල උපරිම ක්‍රියාකාරීත්වය සඳහා මේ ඉහත පහසුකමුත් ස්ථාපනයට සිදුවේවි. වැඩි විස්තර සඳහා, ලිනක්ස් සඳහා දෘෂ්‍ය ධාවක ස්ථාපනය ගැන සටහනක් මෙතනින් බලන්න.

Totem-Xine, Mplayer, RealPlayer සහ VLC

DVD රිප් කරමු – K3B සහ k9copy

කාලෙකට පසුව නැවතත් සටහනක් තබන්නේ DVD රිප් කිරීම නැතහොත් DVD එකක් MPEG-4 දෘෂ්‍ය කේතනයකට හරවා දෘඩ තැටියේ සුරැකීම ගැනයි. මෙහිදී ලිනක්ස් වලින් DVD එකක් DIVX, XVID හෝ ISO MPEG-4 වලට හරවාගැනීම ගැන සලකමු.

වින්ඩෝස් වලදී නම් මේ දේ කරගැනීමට අනේකවිධ යෙදුම් තිබෙනවා. මගේ ප්‍රියතම මෘදුකාංගය තමයි AutoGK. නමුත් ලිනක්ස් වලින් පසුගිය දිනක DVD එකක් රිප් කරගැනීමට යාමේදී මුහුණදුන් ගැටළුව වුණේ මේ දේ කරගැනීමට පුලුවන් මෘදුකාංගයක් මගේ පරිගණකයේ නැතිකමයි.

ඉතින් ලිනක්ස් සඳහා ඇති විකල්ප මොනවාද? මේ සඳහා විශිෂ්ට යෙදුම් කිහිපයක්ම තිබෙනවා. ඒ තමයි MEncoder, Transcode සහ ffmpeg. මේ සෑම යෙදුමක්ම විධාන පෙල අතුරුමුහුණතකින් (CLI) සමන්විතයි. එනිසා කෙතරම් විශේෂාංග තිබුණත් මේ මෘදුකාංග භාවිතය නම් තරමක් අපහසුයි.

වින්ඩෝස් මෘදුකාංග ආකාරයෙන්ම මේ දේ පහසුවෙන්ම කරගැනීමට පුලුවන් ලිනක්ස් මෘදුකාංග දෙකක් තමයි K3B සහ k9copy. අපි බොහෝ දෙනෙක් CD සහ DVD ලිවීම සඳහා K3B භාවිතා කලත්  DVD රිප් කිරීමටත් එය භාවිතා කල හැකි බව ගැන දැනුවත් නැහැ. K3B මේ සඳහා භාවිතා කරන්නේ Transcode යාන්ත්‍රණයයි. ඉතින් පලමුවෙන්ම Transcode ස්ථාපනය කරගත යුතු වෙනවා. මේ සඳහා "sudo yum install transcode" විධානය දෙන්න. (ලිව්නා රිපොසිටරිය සක්‍රීය දැයි පිරික්සන්න). දැන් "sudo yum install k3b k3b-extras-nonfree" විධානය දීමෙන් K3B ස්ථාපනය කර ගත හැකියි.

Screenshot-Video DVD Ripping - K3bScreenshot-(24%) Ripping Video DVD Titles - K3b

රූපය: K3B මගින් DVD රිප් කිරීම

ඔබ සමහරවිට DVDShrink නම් වූ මෘදුකාංගයක් භාවිතා කර ඇති. මෙයින් කරන්නේ විශාලත්වයෙන් වැඩි DVD එකක් කුඩා කිරීමයි. බොහෝ විට DVD9 තැටියක් DVD5 තැටියකට පිටපත් කිරීමට මෙය යොදාගන්නවා. ලිනක්ස් සඳහා ඇති k9copy නම් වූ මෘදුකාංගයේත් මේ පහසුකම තිබෙනවා. එපමණක් නෙවෙයි DVD රිප් කිරීමටත් මේ k9copy ම යොදා ගැනීමට පුලුවන්. මෙය භාවිතා කරන්නේ MEncoder  යාන්ත්‍රණයයි. MEncoder ස්ථාපනය සඳහා "sudo yum install mencoder mplayer" විධානය දෙන්න. (ලිව්නා රිපොසිටරිය සක්‍රීය දැයි පිරික්සන්න). ඉන්පසු "sudo yum install k9copy" විධානය දීමෙන් k9copy ස්ථාපනය කරගත හැකියි.

Screenshot-k9copy

රූපය: k9copy මගින් DVD රිප් කිරීම

මෙම මෘදුකාංග වලට අමතරව තවත් ජනප්‍රිය යෙදුම් දෙකක් මා දුටුවා. ඒ තමයි dvd:rip සහ acidrip. මේ මෘදුකාංග දෙකත්  Transcode සහ MEncoder යාන්ත්‍රණ භාවිතා කරනවා. ස්ථාපනය සඳහා freshrpms රිපොසිටරිය සක්‍රිය කල යුතු අතර එසේ කිරීමේදී යම් ගැටලු පැනනැගුනු නිසා ඒ ගැන විස්තර පසුව සඳහන් කරන්නම්.

Totem-Xine, Mplayer, RealPlayer සහ VLC

ඔබ ග්නොම් ඩෙස්ක්ටොප් එක භාවිතා කරන්නෙක් නම් ෆෙඩෝරා වල පෙරනිමියෙන් ස්ථාපනය කර ඇති ශ්‍රව්‍ය-දෘෂ්‍ය ධාවකය නම් ටොටම් (Totem). ටොටම් වලින් MPG, DIVX, MPEG2, WMA වැනි නිදහස් නොවන මාධ්‍ය ගොනු ධාවනය කල නොහැකියි.

ඉතින් මුල්වරට ෆෙඩෝරා ස්ථාපිත කල අපි හැමෝටම බලපාන ගැටළුවක් වන්නේ විවිධාකාර කේතක (Codecs) වලින් කේතනය කර ඇති මාධ්‍ය ගොනු මෙන්ම ඉන්ටර්නෙට් එක තුලින් ගලාඑන මාධ්‍ය දහරා වාදනය කරන්නේ කෙසේද යන්නයි.

මේ සඳහා ටොටම් විකල්ප දෙකක් භාවිතා කල හැකියි. එකක් තමයි Mplayer, අනෙක නම් VLC යි. Mplayer ස්ථාපනය සඳහා “sudo yum install mplayer mplayer-gui යන විධානය ලබාදෙන්න. VLC ස්ථාපනයට sudo yum install vlc යන විධානය ලබාදෙන්න. මේ ධාවක දෙකෙන්ම බොහොමයක්ම ශ්‍රව්‍ය-දෘෂ්‍ය ගොනු ධාවනය කල හැකියි. ඔබට රියල් (Real) ශ්‍රව්‍ය-දෘෂ්‍ය මාධ්‍ය ධාවනය අවශ්‍ය නම් RealPlayer Gold ධාවකය ලබාගන්න.



නමුත් හිතන්න ඔබට ටොටම් සඳහාම මේ ක්‍රියාකාරීත්වය ලබා ගත යුතුයි කියා. ඔබට ඇති එක විසඳුමක් තමයි ෆෙඩෝරා 8 සමග ස්ථාපනය වන CodecBuddy. මෙමගින් ඔබ පලමුවරට නිදහස් නොවන (proprietary or patent encumbered) මාධ්‍යයක් ධාවනය කිරීමට තැත් කල විට CodecBuddy තුලින් ඒ සඳහා අවශ්‍ය විකේතක (Codecs) මුදල් ගෙවා හෝ නොගෙවා ලබා ගැනීමට අවකාශ සලස්වනවා. නමුත් මෙයට වඩා හොඳ විසඳුමක් අපි සතුව තියෙනවා. ඒ තමයි Totem-Xine.

Totem-Xine යනු Totem වලට සෑම අතින්ම සමාන නමුත් totem භාවිතා කරන Gstreamer කේතක පද්ධතිය වෙනුවට Xine යනුවෙන් හැඳින්වෙන කේතක පද්ධතියක් භාවිතා කරන ධාවකයකුයි. මෙහි ඇති වාසිය නම් Totem-Xine, Totem ලෙසින්ම ග්නොම් සමග අනුගත වීමයි. ෆයර්ෆොක්ස් සඳහා plugin එකක් ලෙසත් Totem-Xine ක්‍රියා කරනවා. Totem-XIne ස්ථාපනයට,
“sudo yum remove totem totem-plparser totem-mozplugin rhythmbox”
“sudo yum install totem-xine totem-xine-mozplugin totem-plparser libdvdcss libdvdnav libdvdplay xine-lib-extras-nonfree rhythmbox”

යන විධාන ලබා දෙන්න.

ඉහත සියළු මෘදුකාංග ස්ථාපනයට නම් ඔබ් ලිව්නා ( http://rpm.livna.org/rlowiki/ ) සක්‍රීය කලයුතු වෙනවා. වැඩි විස්තර සඳහා මෙතන බලන්න. යම් මගින් මෘදුකාංග ස්ථාපනය