Fedora Notes

ඔබගේ ලිපිය අනුව මාගේ ෆෙඩෝරා 8, 9 දක්වා යාවත්කාල කළෙමි. උපදෙස් උදෙසා ස්තුතියි. නමුත් කොළුචෝ වැඩේ කරන්න ගිහින් අබ කුරහන් උනානේ. සියළුම පියවරයන් ලස්සනට ගියා. අන්තිමට shutdown -r now කියලා ගහලා බලාගෙන හිටියා ෆෙඩෝරා 9 එනකම්! දන්නවද මොකක්ද ආවේ කියලා.
signal out of range කියලා. ඒ කියන්නේ තිරයට (monitor) එන සංඥා පරාසයෙන් පිට කියලා. දැන් මොකද කරන්නේ? ආපහු කිහිප වතාවක් උත්සහ කළා. ම්හ්! කොහොම හරි ගූගල් පීරන්න පටන් ගත්තා. grub boot loader එකේදි කොහොම හරි 3 මට්ටමේ පිහිටවීමට ආවා. (level 3 boot)
( 1. Pressed e while highlighting – kernal …….
2. hit e to edit again
3. then leave a space and 3
4. then enter
5. and then b)

ඊට පස්සේ ඔයාගේ ලිපියේ අන්තිම පියවරත් කළා
(rpm -Uhv http://rpm.livna.org/livna-release-9 && yum -y update)

ඒකත් පැය ගණනක් උනා කියමුකෝ. ඉවරයි කියලා වැටුනහම නැවත (reboot) පටන් ගත්‍තා. අපොයි GRUB කියලා වැටිලා යන්තරේ හිර වෙනවා. මගේ මෝඩ කමට රක්‍ෂිත කරන්නත් (backup) බැරි උනා. ආයෙත් ගූගල් පීරන්නට උනා. කිහිප දෙයක්ම කළා හරි ගියේ නැහැ. අන්තිමට මගේ ගාව තිබුන ෆෙඩෝරා 8 තැටිය දාලා නැවත ගොඩ ගන්න ගියා. හරි යන්නේම නැහැ. එක වෙලාවකට හිතුනා ආපහු ෆෙඩෝරා 8 දාන්නත්. එත් මගේ සියළුම දේ නැතිවෙන නිසා ඒක හරියන්නෙත් නැහැ. අන්තිමට නැවත ගොඩදාන ප්‍රකාරයේ (mode) ගිහින් කරපු එක දෙයක් හරි ගියා.
(1. grub-install hda1
2. root (hd0,0)
3. setup (hd0)
4. Quit)

ඔන්න දැන් යන්තම් GRUB boot loader (ආරම්භක පැටවුම) හරි ගියා. ඒත් තාම තිරයට මොනවත්‍ එන්නේ නැහැ. ඊට පස්සේ
yum install kmod-nvidia -y කළා.

ආයෙත් ආරම්භ කළා.
මෙන්න ෆෙඩෝරා 9…… නියමයි.
හැබැයි මේ සේරටම වෙලාව දවසක් ගියා.

මා මෙය ලීවේ යමෙකුට යලි උවමනා වුවහොත් ප්‍රයෝජනය සඳහාය.

කාලේකින් ලියලා නැනේද

අනිවාර්යෙන්ම ඉන්ටර්නෙට් ගියොත් බලන බ්ලොග් එකක් තමයි ෆෙඩොරා ලිනක්ස් සටහන් බ්ලොග් එක.

මුල ඉදලම ෆෙඩොරා ඉගෙනගන්න විදියට බ්ලොග්එක හදනවනම් බොහොම පිං.